व्रतको सुरुवाती नियम (व्रतारम्भ)

1. सङ्कल्प: यदि तपाई पहिलो पटक यो व्रत सुरु (आरम्भ) गर्दै हुनुहुन्छ भने, पण्डितलाई बोलाएर प्रतिज्ञा (व्रत बस्ने प्रतिवद्धता) र गोदान सङ्कल्प गराउनु अनिवार्य हुन्छ।
2. व्रतको दिन दिनभरि भोकै (निराहार वा फलाहार) बस्नुपर्छ।

साँझको पूजा तयारी (चन्द्रोदय पछि)
जब साँझ चन्द्रमा उदाउँछन्, तब पूजा सुरु हुन्छ। पूजाको लागि सामान 

• सबैभन्दा तल एउटा टपरी राख्ने।
• टपरीको माथि चामल राख्ने।
• चामलको माथि काँसको कलश (लोटा) राख्ने।
• कलशको माथि काँसको थाल राख्ने र त्यसमा पूर्ण चन्द्रमाको प्रतीक वा मूर्ति राख्ने।

बत्तीको पूजा

1. थालमा १६ सरे १६ वटा घिउका बत्तीहरू बाल्ने।
2. चन्द्रमाको पूजा गर्नुअघि ती बलिरहेका बत्तीहरूको पूजा गर्ने।

चन्द्रमाको आवाहन र स्नान (षोडशोपचार पूजा)

• पाद्य: भगवानको गोडा धुने जल।
• अर्घ्य: सम्मानस्वरूप चढाइने विशेष जल।
• आचमन: चोखिनका लागि प्रयोग गरिने सुगन्धित जल।
• पञ्चामृत स्नान: दूध, दही, घिउ, मह, र चिनी मिसाएर चन्द्रमालाई स्नान गराउने।
• शुद्ध जल स्नान: पञ्चामृतले नुहाएपछि फेरि सफा जलले नुहाउने।
• अबिर, केशरी, जौ, तिल, लाभा (भुटेको धान) र फूल।
• धूप (धूपबत्ती), कपुरको दीप (आरती), नैवेद्य (प्रसाद/भोग), र दक्षिणा (पैसा)।
• मन्त्र जप: पूजा सकिएपछि “ॐ ऐं क्लीं सोमाय नम:” मन्त्रको १०८ पटक जप गर्ने।
• अर्घ्यका सामग्रीहरू: जल, दूध, दहि घ्यु, स, सुपारी, अबिर, तिल, कुश, अक्षता
• आचमनका सामग्रीहरू: कचौरामा जल, कपुर, ल्वाङ, सुकमेल
• पाद्यका सामग्रीहरू: कचौरामा जल, जौ, तिल, कुश, अबिर